Müasir astronomiyanın qurucusu qəbul edilən Kopernikin məzarının yerləşdiyi yer dəqiqləşib. Alimlər Kopernikin kəlləsinin qalıqlarından təxmini olaraq onun üz şəklini yaradıblar.
Nikolas Kopernikin harada dəfn edilməsi, saç və diş qalıqlarının DNT nümunələri sayəsində aşkara çıxarılıb. Belə ki, Polşadakı Pultusk Antropologiya və Arxeologiya İnstitutunun professoru Jerzy Qassovski, 2005-ci ildən aparılan qazıntılarda tapılan bir kəllə ilə sümüklərin astronoma aid olduğunu bildirib. Polşalı və İsveçli araşdırmaçılar, Kopernikin həyatı boyunca əlindən yerə qoymadığı Cohannes Stoefflerin 1518-ci ildə yazdığı "Calendarium Romanım Magnum" adlı kitabında Kopernikə məxsus 12 saç telini əldə edirlər. Bu çox qiymətli genetik maddənin DNT-si, Fromborkda tapılan kəllə və sümüklərlə müqayisə edildikdən sonra onların eyni insana məxsus olduğu aydınlaşır. Uppsala Universitetindən Marie Allen, "Kitabda tapılan 12 saç telindən ikisinin Framborkda tapılan kəlləndəki bir diş və bir sümüklə eyni DNT-ni daşıdığını" bildirir. Eyni zamanda tapılan sümüklər Kopernikin 70 yaşında öldüyünü göstərir. Varşavadakı polis laboratoriyasına göndərilən və kəllə kompüter mühitində yenidən yaradılan Kopernikin fotoşəkili, mövcud Kopernik portretləriylə müqayisə edilir və bu zaman fotoşəkil və portretlər arasındakı bənzərliklər aşkara çıxarılır. Polşanın Neve bölgəsində 1473-də doğulan Kopernikin harada dəfn edilməsi və neçə yaşında öldüyü bu günə qədər qəti olaraq bilinmirdi.
Qeyd edək ki, Kopernik heliosentrik nəzəriyyənin banisi hesab edilir.
